U Huyodo da Neşe d’Bethnahrin hadir bu yawmo dilonoyo da came bi mdito d’Göppingen
Hol 250 şutose frişe bi mdito d’Göppingen d’Almanya, hadiri adyawma bu yawmo dilonoyo dımtayabla i karxutho. Bi hfituthathe dıkmisomo kull şato, kmitahwe mkono la came frişe dıkhoyın bi mdito’ste, kımawdıci ruhaye. Calathe adşato’ste, a hadımyotho du Huyodo da Neşe d’Bethnahrin mhalaxe bi mdito u mahwelın i mardutho catırto du camaydan la Almanoye ula nuxroye.
GÖPPİNGEN, Almanya – Adşato’ste u Huyodo da Neşe d’Bethnahrin u fırco d’Göppingen d’Almanya, hadır i hfitutho şatonoyto dıkmitaybo hani 350 eşne bi mdito. Göppingen kobo yuqro li hfituthathe dımşarewola yawme d’Cruto u dgımıhthomo yawme d’Tre, bi mıştawtıfonutho dhol 250 şutose frişe.
Bi hfituthathe’ste, kmıştawtıfi a yolufe da madırşotho. Adyawma’ste mtaybo i taglitho di hfituthathe dımdawamla şoctho ba zabuqone di mdito wu HNB’ste cama hadımyothayde wu camaydan dhadır u dkıtwe lwişo lbuşe marduthoye u tcınlın bidothaye a remze du cameydan wu mhalaxwolın cami musiqi Suryoyto bıgawe du qentrun di mdito.
Bi mdito kmitıjğıl b’75 leşone frişe u larwal du bınyono di karxutho’ste, kull şutoso u camo dşafıc qume-mawdıc mın camo’yo. Wu HNB’ste bu dumyano m’athele u camaydan, i marduthayde wu maşmacle ışme du cameydan la comure di mdito d’Göppingen. İ mıştawtıfonutho di claymuthaydan li hfituthathe grışwole u zuhoro.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
