U Huyodo da Neşe d’Bethnahrin u fırco du Swed, mkamele i maşritho dımtayable la hadımyothayde bi mdito d’Örebro
Bi maşrithathe dsimo tre yawme, frişo calu makthabzabno du camaydan ucala fulhone u tarmıyotho dsımle u Huyodo bi şatathe.
ÖREBRO, Swed — U Huyodo da Neşe d’Bethnahrin u fırco du Swed sımle adşato’ste maşritho la hadımyothayde ula nacimathe bi mdito d’Örebro. Bu zabno da neşe howanwo ba herge, a nacime kıtwolın tahrazto dilonoyto da teştcınye.
İ maşrithathe simowa 16 u 17 bu yarhano d’Ob u hiw eba yulfono la neşe calu makthabzabno du camaydan u dilonoyith cali athto du camaydan ucala fulhone u hfitwotho dıksoyım HNB bu Swed leşan dgorış u zuhoro cali athto Surayto.
Camathe kle cala fulhone dıkmaşın a şutose da Neşe du camaydan b’Urifi u b’Suriya ubu Cıraq wa tarmıyotho dsimi, u hawi droşe beyn da mıştawtıfone di maşrithathe dhthimo b’kaşirutho u muzoğo basimo yawme d’Huşabo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
