U Huyodo d’Urifi mazıdle u kontrol da thume beyn d’Urifi u d’Turkiya mqabıl da Afgan

U şutoso dı frontex mahıtle sistem hatho mşawşıto du duyoqo bu thumo du Yawnan cam Turkiya.

U Huyodo d’Urifi dkıtle zictho ma galwoye dkibın dothin me Afğanistan kımnase dmaqwe u duyoqo dcala thume.

U şutoso dıksoyım u sutoro du thumo du Huyodo d’Urifi Frontex markawle sistem hatho u mşawşıto bu bethtawso d’Alexandropoli, ubi gozarto d’Limni du Yawnan.

U nişo du sistemano dkıtyo bu darbo d’nıfaha dkıtyo mxamalto ba sayorotho dilonoye dkışfi a galwoye lo qonunoye dkıtne bu qlimo. Wu sistemano kıtle mkono dsoyım u duyoqo dkıtyo u ruhayde 60 kilometer.

Camathe u malolo d’Frontex mırle “kito hzayto dkibe dhowe bgawıd dzabno karyo golutho me Afğanisten ume Tunus lu Huyodo d’Urifi wu medano kmitahqıb.” Kito 400 falohe dı Frontex bu Yawnan.

Mu kewo di Korona u mınyono da galwoye dıkcıbri la athrawotho d’Urifi bdarbone lo qonunoye naqisi. Umınyonano ba 2015 zıd me mılyunwe elo bi şatathe 22 alfo 600 galwoye cabiri l’Urifi. Elo ocdo kito zıctho naqla hreto dhowe şalqa rabtho di golutho l’Urifi.