Turkiya bınela şuro lı hedorıd da thume da qlime du Madınho udu Madnah tayımno d’Turkiya
Leşan dmıkle qamuthıd da cbore lo qunonoye, bıne hedor da thume da qlime du Madınho udu Madnah tayımno d’Turkiya şuro.
Turkiya bıthır mu thumayda dkıtyo cam Suriya, mşarela bınyo şuro bu thumo camu İran, u gıdsaymo şuroste bu thumo dcamu Iraq.
U fusqono dmıbne şuro mqabıl da cbore lo qonunoye l’Turkiya bi şato da 2015 manhıt la haye. Bi qamayto mşare bu şuroyo da 2016 dmıbne şuro du beton bi mditho d’Hatay dkıtyo thumo l’Suriya.
Bu şurano kito nuqazyotho du duyoqo, darbo du kontrol, qafas ma telat qawye, sistem du bahro, falohe cala thume, tayısotho u tanqat u zayne folhoye u teknoloji mşawşıto du cuqobo.
Lfuth di mawdıconutho dnafiqo bu tboco froso Turkoyo, calu thumo d’Suriya bne şuro b’yırco d’892 kilometre bu şıkılano maxlasse 98% di termithathe wocdo bılhude fayışşe anqas ma 19 kilomıtre.
U thumo dkıtyo beyn Turkiya wu İran 560 kilomıtreyo, mid fusqono dmıbne şuro cal 147 kimıtre. Wa zuze dıgıdıze calu şurano kmitahwın ma hiğmonwotho da mdinotho d’Iğdır, Ağrı Van u Hakkari umu şırke du bnoyo da bote TOKİ dkıtyo masırto bi dawle.
Bi maqırhonutho dhiwo mha ma hiğmune mawdıc, u nişo ditakle u isticmal da thume mi golutho dkıtyo lo mtakasto. Bcayni zabno a qaçaxçiye wa hayle zaynoyeste kmıstacmıli u darbano. Wu şuro gıdhowe manfıcono leşan dmıkle qamuthayye.
Amşale mbayanneste gıdmıbne şuro d’35 kilometır calu thumo du Iraq’ste. İ naqa dkomıl u bnoyo u yırco du şuro gıdhowe 1189 kilometer.
Kul falqo du şuro 3 mıtrewiye celoyo u 2 mıtre fathyoyo. Hedoreste mtawıq ba xandaqe.