U Huyodo Suroyo d’Urifi (ESU) mtayable knuşyo dı lqayto camu qoyumo mu cameydan bu parlemento d’Urifi İlhan d’Basso
U Huyodo Suroyo d’Urifi ESU mtayable knuşyo dı lqayto camu qoyumo mu cameydan bu parlemento d’Urifi İlhan d’Basso yawme dhamşo i şoctho ba tmone dcasriye bu qentruneyde dkıtyo b’Bruksel.
BRUKSEL – U huyodo Suroyo d’Urifi ESU dkıtle esore tawe camu parlemento d’Urifi mhadrale knuşyo lu qoyumo mu cameydan bu Parlemento d’Urifi mu gabo du athro du Swed İlha d’Basso laşan dobe mawdconutho cala fullhıone du huyodo d’Urifi.
Lu knuşyano ESU ksoyım qrayto lu cameydan dkıtyo b’Bruksel dmıştawtıf lu knuşyano u dımşayıl a şuwole awste tatalbe dkıtlın mu qoyumo İlhan d’Basso.
U knuşyano gıdhowe yawme dhamşo i şoctho ba tmone dcasriye bu qentrun d’ESU dkıtyo b’Bruksel.
Bu knuşyano u qoyumo d’Basso gıdobe mawdconutho cala fulhone dsımle hul ucdo u mın fulhone kibe soyım laşan u cameydan du athro d’Abohotho.
U qoyumo İlhan d’Basso bi şato d’şaficiwena qayıthwole u dawro dhowe qoyumo bu parlemento d’Urifi mu gabo d’Sosyal demoqaratoye du athro du Swed.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
