U Huyodo Suroyo d’Urifi hawile itawyotho frise cam qoyume amlmanoye
U Huyodo Suroyo d’Urifi ESU, wu Huyodo da Neşe d’Bethnahrin sımme lqoyto cam folitiqore Almanoye b’Berlin bi sbutho du dactith d’Suriya. Ba lqoyoto dsimo camu mcadrono du rişono du Parlamento d’Almanya kle dilonoyo calu dawro dkibe dhowele u camaydan bu dactith d’Suriya.
BERLIN — Taşdarto dıkmişaklo mi mşalonitho da Esore Baroye du Huyodo da Neşe d’Bethnahrin Tibelya Ahrun umu mşalo da esore Baroye du Huyodo Suroyo d’Urifi ESU Metin Rhawi hawilın lqoyto camu tahlufo du rişono du parlamento d’Almanya wu malolo du gabo Semoloyo de Linke Bodo Ramelow, u cami qoyumtho mu gabo Semoloyo bu parlamento d’Berlin d’Almanya Cansu Özdemir.
I mathlonitho du Huyodo da Neşe HNB Tibelya Ahrun, bşıkıl rwiho mahkela calu dawro di athto Surayto, u calu fulhone dıksoyım u Huyodo da Neşe wa talabe dkıtle.
U mcadrono du rişono du parlamento d’Berlin Ramelow bu mamlo dsımle mawdacle u camaydan u Suryoyo wu leşono Oromoyo latyo nuxroyo ele. M’akadleste dkobıc d’yoluf bşıkıl gawonoyo u dilonoyo cali dactith d’Suriya.
U mmathlono d’ESU Metin Rhawi wi mmathlonitho d’HNB Ahrun huwalle hzayto rwıhto cali aykanoyutho d’Suriya, u mqadamme ele dosyat frişe, u buyono calu hjomo marhıbono dsımwo cali cito d’Mor Elias b’Darımsuq, u mawdıcalle i hzayto dkıtlın xıd şutose cali sbutho d’Suriya. U dilonoyo kalın calu dawro dkibe dmıştace u camaydan u Suryoyo bu dactith d’Suriya, bi mdabronuthayde ubi rişonuthayde.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
