U koalisyon d’urifi kobıc soyım garanti u tewfiqo du vaxin mqabıl di Corona

Mşatıs koalisyon bayn da nathrawotho d’Holanda, Fransa, İtalya u Almanya, bnişo dmisım u garanti dmiqafe vaxin luqah mqabıl du virıs d’Covid-19.

I wazirutho du hulmono d’Holanda, mawdacla dımşakıl koalisyon ma n’athrawotho d’Holanda, Fransa, İtalya u Almanya, bnişo dmisım u garanti du tewfiqo d’vaxin mqabıl du virus d’Corona.

I wazirutho du hulmono d’Holanda bi maqırhonutho dıfrısla, mawdaclaste da n’arbıco athrawotho kdırşi ucdo ğalabe insiyative dkibın sabro cam ğalabe şorkat da samone awkith da darmone, bnişo dmiqafe vaxin b’gawıd du Huyodo d’Urifi.

Be bzabno, an’arbıco athrawotho Holanda, Fransa, İtalya u Almanya matın l’awyutho dıklozım dmibayın stratiji u tahrazto mşawtafto, ida dmımte l’netiçe msimonitho bi sbutho du vaxin d’Corona.

Camgabıdathe, i wazirutho Hollandoyto bi maqırhonuthayda mawdacla ste du koalisyon dhawin bayn da n’arbıco athrawotho, kıtle u nişo dmi’amın kmoyutho makfiyonitho mu vaxin la n’athrawotho faqire dıbritho, dilonoyith Afriqya.