U marhıbono Christchurch hkim cımre kule lu hbuşyo

U yaminoyo qaşyo d’Zelanda i Hathto mjaze cımre kule lu hbuşyo calu hjomo dsımwole meqım şato cal tıre masığde b’Christchurch.

U marhıbono Brenton Tarrant dsımwole uhjomo qaşyo cala Maşılmone bi mditho d’ Christchurch d’Zelanda i Hathto, hkim cımre kule lu hbuşyo u lo hiw ele mkono dmitarfe meqım mu zabnayde.

Hathe inaqla qamaytoyo bu athro, dkobe u bethdino hawxa fusqono dıkmifaşıq u qaşyo dkulle. U fusqono mid bıthır arbac şoce d’buqore u hol 90 farsufe shıdlın cala hjomani dsimiwo cala masığde.

Tarrant dkıtyo cımre 29 eşne labıc sniğro dımathele wu mawdele, dhuwe sımwole meqım şato ahjome marhıbone cal tıre masığde b’ Christchurch, dı qtılwo ba hjomani 51 farsufe.