U Mawtbo di Mşaynutho d’Emwotho Mhaydotho frısle taşroro cali aykanoyutho d’Dacış

I Sictho da buhone du Mawtbo di Mşaynutho d’Emwotho Mhaydotho, frısla taşroro cala ğrobe marhıbone d’Dacış bu Iraq u bı Suriya.

 Bu taşrorano i Sictho Emwothoyto m’akadla, da marhıbone kmıstacmıli i xalyutho dkito ba 2 athrawothani leşan dımdawmi ahjomathe cala mdinoye u dmaydi u duyoqo dı dukotho frişe du Iraq u dı Suriya.

Lfuth u taşroro dıfrısla i Sictho da buhone du Mawtbo di Mşaynutho d’Emwotho Mhaydotho, a ğrobe marhıbone d’Dacış kmıstafdi mi xalyutho dkito bu haqlo di mşaynutho bu Iraq u bı Suriya, leşan dıqudri naqla hreto ducri u dsaymi hjome bnişo dmafiti dukotho frişe wu camo da 2 athrawothani lu duyoqathe.

Bu taşrorano mawdıc, da ğrobe marhıbone d’Dacış kımarkıwi rağlothayde bu Iraq u bı Suriya u kımahwın u haylathe wa mkonathe dmaqşın a fulhonathe ba dukotho dmidi lu duyoqathe. Elo u gurub d’Dacış ucdo fayış, gurub nacimo lfuth meqım u kıtole ruhe ba dukotho dkıtne larwal da mdinotho.

İ Sictho Emwothoyto mawdacla d’Dacış kısoyım hjome, dilonoyith ba dukotho du Iraq u dı Suriya dıkmdawmi a qetre ebeye wu kmıstacmıl u virus d’Corona leşan i propağandayde wu hathe, kıxulqo ğamo beyn da hadome du Mawtbo di Mşaynutho d’Emwotho Mhaydotho.

Bebzabno u taşrorano du Mawtbo di Mşaynutho mawdacle, du rişono hatho d’Dacış Muhammad Sacıd Abdul Rahman Al Mawla, heş lo mawdacle ruhe bı qrihutho u hathe kiba dhuwyo dlatle ğalabe tathir rabo cala marhıbone hrene.