U sniğro u kothubo Turkoyo Muharrem Erbay gıddobe 2 turgome calu Sayfo bu Swed
Bu athro du Swed gıdmitayıb ramhıl ulumıhreno, tre turgome calu qtolğenso mariro du Sayfo dsim calu camaydan u Suryoyo Oromoyo Othuroyo Kaldoyo bi şato da na’1915 bu zabno di mamlaxtho Cuthmanoyto.
SWED – U sniğro u kothubo Turkoyo Muharrem Erbay dkıtyo morıd du kthowo dışme “i qalco trayonitho di htitho, Orom u Layla”, gıddobe tre turgome bu Swed calu qtolğenso du Sayfo da na’1915 dsımwo calu camaydan ma haylawotho Cuthmanoye uma caşıryotho Kurdoye bu zabno du qrobo qadmoyo dıbritho.
U turgomo qadmoyo gıdmitayıb ramhıl yawme dı Tltoho bu salon di cito d’Mor Yacqub da Nsibin bi mditho d’Södertalje bi şuctho da şeth d’casriye.
Wu turgomo trayono gdımqadamle kothubo Muharrem Erbay yawme d’Arbıco dıbqamuthayna bu qentrun marduthoyo d’Folket Hus bi fnitho d’Hallunda bu Swed bi şuctho da şeth u falge d’casriye. Ukul noşo zminoyo dhodır a’turgomani.
A’tre turgomani dcalu Sayfo Kmitaybi bu snodo du sniğro hfito Suryoyo İlhan Aydin dıkhoye bu Swed.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
