U waziro catiqo du ciraq İyyad Alcallawi krihle a hçome d’Turkiya
A rişone folitiqoye du Ciraq kımdawmi dmahwın u hfuxyathe mqabıl da hçome dıksaymo Turkiya calu garbiyo du Ciraq. Beynothaye, u rişwazire catiqo İyyad Alcallawi mawdacle da hçomani qento’ne.
U rişwazire catiqo du Ciraq İyyad Alcallawi bi maqırhonutho dıfrısle mawdacle di mudaxala folhoyto Turkoyto bu garbiyo du Ciraq sbutho qento’yo u dlıklozım fmifış b’şetqo acla u mırle; İ klaytaydan qrihto’yo bu prensib dıklozım dlo mitahwe aftho dmitıstacımli an arcotho du Ciraq xıd nuqazto du hçomo calan athrawotho şbobe.
Callawi dkıtyo Şica elo dlatyo masro bu İran sımle qroyto dmitabde dialog beyn du Ciraq u Turkiya bi mıştawtfonutho d’mathlone mu qlimo d’Kurdistan, bnişo dmitatimi a hçome d’Turkiya u dmışre u kriz da maye, b’şıkıl dıknofıq moro li morutho du Ciraq ula yuthronayde a gawonoye.
Me gabo hreno, u waziro di baroyutho du Ciraq Fuad Husayn sımle qroyto lan athrawotho şbobe; beynothaye Turkiya, druhqi ma fulhone folhoye dıkmathri mrimono calu kyono da esore basime dkito beynothaye..
Meqım’ste, u rişqutno Barham Saleh, u malolo di wazirutho di baroyutho Ahmad Alsahhad wu rişono Şica Muqtada Alsadır krıhwolın a hçome d’Turkiya calu garbiyo du Ciraq, u m’akadwolın du medano dyoşo cçiqoyo cali morutho du athro. Elo u rişwazire Mustafa Alkadhimi hulucdo lo mbayanle i klaytayde bi sbutho da hçomani d’Turkiya calu garbiyo bi dacwa du qrobo dcali PKK.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
