U waziro di baroyutho d’Hollanda gımqadım u renyo dmişatıs fnitho dıkmımnıc eba u fyoro b’İdlıb

U waziro di baroyutho d’Holanda Stev Block, mawdacle du athrayde kımayıd u renyo dmişatıs fnitho dıkmımnıc eba u fyoro bi hiğmonutho d’İdlıb bu garbay macırbo d’Suriya.

 Block bi maqırhonutho dhule mawdacle dıgdorış i sbuthathe adyawma bu knuşyo da wazire di baroyutho du Huyodo d’Urifi bi erişkoyto d’Zağrıb.

 U waziro di baroyutho d’Holanda Stev Block bi maqırhonutho dhule adyawma la gelyunore mırle “klozım dmaqwena u qyomo di şalyuthzayno dımde bayn Mosko u Anqara bi fnitho d’İdlıb b’Suriya. U hatheste bu darbo dmişatıs fnitho dıkmımnıc eba ufyoro laşan dlowın a’botaykrihe nişo lu hçomo”.

Block bi maqırhonutho dhule adyawma meqım mdımşare u knuşyo da wazire du Huyodo d’Urifi bi erişkoyto d’Kurwatya Zağrıb, mırleste “gıdhuyo dawse di hexamtho, ida dmitazido i fnitho mşayanto dıkmınco u fyoro lu qyomo di şalyuthzayno dımde bi sbutho d’İdlıb”.

Block mawdacleste da nathrawotho du Huyodo d’Urifi kıtlın mabco rabo dmaqınci a’hadome kulle du mawtbo di mşaynutho d’Emwotho Mhaydotho bnişo dmişatıs fnitho dkımımnıc eba u fyoro b’İdlıb, uba melani mdawamle “u medano lıgıdkole b’fothıd du qrobo mqabıl du tukoso marıhbono d’Alqacida, elo gıdmakle u hjomo cala botaykrihe d’İdlıb”.

Be bzabno, u waziro di baroyutho d’Holanda sımle qroyto dmisım u garanti du duyoqo emwothoyo calu sistem du mnoco du fyoro lalcıl da thume d’İdlıb, u mawdacleste dıklozım u mawtbo di mşaynutho dobe ruşmoyutho li wolitho du duyoqo.

Camgabıdathe, Stev Block sımle qroyto lu Huyodo d’Urifi dmabde droşe cam Rusya u Turkiya bi sbutho di şalyuthzayno d’İdlıb, bnişo dmitabde u maşıqlo folitiqoyo hatho, u hawxa mdawamle “klozım dmihalıq dawsat dkımşabli u nişano, ubi qadmoyuthaththe u teqwiyo di mşaynutho wu bnoyo du tuxlono. İ sbuthathe gıdoraşnola adyawma bu knuşyo da wazire di baroyutho du Huyodo d’Urifi”.