U waziro du momuno d’İsroyel Smotriç sımle qroyto dmitaqım koridor noşoyo laşan la Druz d’Sweda
U waziro du momuno d’İsroyel Batısla’il Smotriç sımle qroyto dmitaqım koridor noşoyo laşan dmitacbır muklo u mluwe Samone la Druz d’Sweda bu taymno d’Suriya. Smotriç tlıble ste mi şultonutho d’İsroyel dhuyo hadırto folhoyith, laşan dımdafco a’Druz d’Sweda mqabıl du rejim d’Suriya.
TEL AVIV, Isroyel — Bi maqırhonutho dıfrısle athmıl bi dafo d’X, u waziro du momuno d’İsroyel Batısla’il Smotriç mırle “ıno wu rişono da Druz b’İsroyel Mwaffaq Tarif sımlan socurutho li qelayto da cuqobe dımşatsolın a’Druz bi qastra d’Jols bu garbiyo d’İsroyel, bnişo dhowelın esore cama n’ahunonaththe a’Druz dkıtne bi fnitho d’Sweda bu taymno d’Suriya, udımtahqıbi i aykanoyuthaththe”.
Bebzabno, Smotriç mawdacle di aykanoyutho b’Sweda ğalabe casqoyo, wi şalyuthzayno dımbayno ucdo kımmathlo şıkıl d’şetqo di hile bnişo dmitawqi a’Druz udmisım ambargo aclaye, dmitahırwi hın ma qıryawothaththe bi fnitho, udmıxlıq kriz noşoyo rabo du qento.
Camgabıdathe, u waziro Smotriç tlıble mi şultonuthayde dmıftıh baroyo koridor noşoyo bayn d’Sweda u İsroyel, bnişo dmitafiti a’mcadrınwotho xdu muklo, a’samone wa sniqwotho ulsoye la Druz dkıtne mtawqe.
Smotriç sımle ste qroyto li şultonutho dı Tel Aviv dhuyo hadırto folhoyith laşan dımdafco a’Druz d’Sweda, udmimıd hşowo qaşyo mu rejim d’Suriya, udmıxlıq xıd satro qawyo dıkmonıc dmisım hçomo hatho cali hiğmonutho d’Sweda.
ביקרתי עכשיו עם ראש העדה הדרוזית בישראל השי’ח מואפק טריף ועם יו”ר וועד הרשויות הדרוזיות יאסר גדבן בחמ”ל שהקימה העדה בג’וליס לקשר ומעקב אחר מצבם של אחיהם הדרוזים בסוו’ידה.
המצב שם קשה מאוד. הפסקת האש היא סוג של שקט מתעתע שבחסותו ממשיכים אנשיו של ג’ולני, הטרוריסט בחליפה, לצור על… pic.twitter.com/bnOnnU3vtM
— בצלאל סמוטריץ’ (@bezalelsm) July 30, 2025