U yowmo da falohe dı britho1 İyor mzayıh bşıkılat mşahlıfe
Bıthır mıd britho cabiro b’maşıqlo d’noşe lı kodıc ramhıl mın gıdhowe a yawmotho dkıtne dilonoyo dhiw ağre laşanaye laşan dmizayhi maklın u hın mane mşahılıf u zuyohathe. Athmıl dkıtwe 1 İyar yu yawmo da falohe dhulın tacbo rabo u bızlın admo laşan dhowe yawmoyo dilonoyo dmicayıd wa falohe dmaşımci qolaye, a falohe mnaselın dımzayhile bşıklat mşahılfe.
Bu yawmano qulnaqa a falohe d’athrawotho mşahılfe knıfqiwo la şuqone u kmaşımciwo a talabe dkıtlın, u bebzabno kmahwanwo awyutho camıhdode laşan dnıfqi moro lu tacbo dhiw laşan dmizayıh u yawmano da falohe dıbritho.
Elo adşato u yawmano mzayıh bhın dukotho ba luhyotho dıfrıslın a farsufe ba balkone da botathe dıkthulın aclaye a talabe dkıtlın, u bhın ma kıthawyothoste krıhlın u hboso dkito mu taraf da şıltonwotho dıksaymo cala falohe u dıkdayşi a zedqe da falohe.
Mathlo lu medano u athro d’Turkiya naqqa hreto a falohe wa pwelıs athın mqabıl dıhdode metul di şıltonutho mıstacmela i corona celtho dlıtıryo a falohe dmaşımci u qolathe. B’Turkiya u b’athrawotho dkıtne xıd Turkiya kul şato knofıq qatre wa şıltonwotho kımnasın dkolın mqabıl da falohe dlınıfqi la şuqone dmaşımci u qolathe.
Elo cıl mathe kula hın ma falohe mnaselın bşıkılat mşahılfe dı maşmıci a talabe wa hfuxye dkıtwolın mqabıl du dyoşo dıkmisım cala zedqe da falohe.