Unisef bu taşroro dıfrısle maglele dkit zıd me milyar d’nacime dkıtne bu qento mu tathir du şuhlofo du muzoğo udi çıbliye du kyono dı britho

İ mtakasto da nacime d’Emwotho Mhaydotho d’Unisef, maglela dkito zıd mı milyar d’nacime dkıtne bu qento mu tathir du şuhlofo du muzoğo udi çıbliye du kyono dıbritho.

Bayn da n’athrawotho dkımmathli qento rabo cala nacime, kito u Hınd, Nigirya, Filipin u falqo m’Afriqya.

Lfuth i sferyawmo Britanoyto d’The Gardian, u taşroro dıfrısla i mtakasto da nacime d’Emwotho Mhaydotho d’Unisef, mawdacle dkul nacimo bıbritho bu noquso kloqe bha qento mu tathir du kriz du kyono, baynothaye a’şalqat du hemo, an’arğalyotho, a’calcole, a’kewe, i naşifutho wi çıpliye di hawa.

U taşroro d’Unisef makadle dhul milyar d’nacime dıkhoyın b’33 athrawotho kloqın b’zabno ha bu qento d’tlotho aw arbıco tathire du muzoğo, ubayn da n’athrawothani kito u Hınd, Filipin, Nijirya u falqo rabo m’Afriqya I xasra du taymno du mathıbro.

İ rişonitho d’Unsief Henrita For mırla “i fıqriye, i mşablonutho da maye nadife, du hulmono udu yulfono kımmathli qento rabo cala nacime. U taşroro d’Unisef i naqla qamaytoyo dıkforıs surto kamılto ham cali duktho du qento u hamıste aydarbo a’nacime kloqın u qento du şuhlofo du muzoğo wi surtathe ğalabe maziconithoyo. A’nacime latne xda rabe latlın u haylo damxılsi ruhaye mu qento da geşe qaşye du muzoğo”.

Lfuth u taşroro d’Unisef, a’casro athrawotho qamoye dkımmathli u qento rabo dkulle cala nacime, balhude kıtlın 0,5% mi mşalutho daclu şuhlofo du kyono udu muzoğo dıbritho.