USAİD ksonıd u camaydan laşan dmarku ruhe me hatho bi daşto d’Ninwe

U tukoso Amerikoyo du quyomo emwothoyo d’USAİD, ba tarmiyotho dıksoyım kımdawım d’sonıd u camaydan laşan dmarku ruhe m’hatho bi daşto d’Ninwe bu garbiyo du Ciraq.

 USAİD bi tarmitho du kahrobo dsımle bi mditho Suryoyto d’Barıtle, kımqadım mşablonutho l’zıd m’150 yaqrotho ma came mşahılfe di mditho.

 Bu taro di tahrazto d’hulmono, ubu snodo momunoyo du tukoso Amerikoyo du quyomo emwothoyo d’USAİD, mafıt la haye sistem d’kahrobo bi mditho Suryoyto d’Barıtle bu ışmo “i tarmitho di methcadronutho du kahrobo d’Barıtle”.

U nişo di tarmithathe dmişaçco i methcadronutho bayn da came mşahılfe d’Barıtle, dmitahwelın a’sniqwothaththe a’mşawtfe, udmitaxıf u kriz di casqutho momunoyto.

Lfuth i tarmithathe, kmiqadım mşablonutho du kahrobo l’falqo mi şawtho di Pthılto bı Barıtle, awkith zıd m’150 yaqrotho ma came umthoye u tawdithoye mşahılfe dıkhoyın bi şawtahthe kmisamlın i mşablonutho du kahrobo.

İ tarmithathe dilonoyith kımcadro a’yaqrotho faqire, bnişo dqıdri dnıfqi mqabıl di aykanoyutho momunoyto casqo bu taro du maşıqlano ducdo du virus d’Corona.