USAİD maslamle makinat du hsodo l’Karamles

U tukoso Amerikoyo du Quyomo Emwothoyo-US-AİD, gıdmaslım bi şato dıbqamuthayna, ışto traktore du hforo u tarte makinat du teltimo du tawno lu makıthıbo du bnoyo d’Karamles di daşto d’Ninwe.

 U nişo di mcadronuthathe, dmısnıd u haqlo di zaricutho uda akore du camaydan di qastra d’Karamles’yo.

 U tukoso da şlihe nacime di mcadronutho udu quyomo, athmıl safrayto mıdhele qyomo camu şutoso Amerikoyo du quyomo emwothoyo, bnişo dmısnodi anakore du camaydan wu haqlo di zaricutho udmişawşıt u quyomo momunoyo di qastra d’Karamles di daşto d’Ninwe.

U tukoso d’USAİD bi tarmithathe kıtle u nişo dmazıd u produkt di zaricutho da nakore du camaydan bu darbo da makinat u alat di zaricutho dgıdmitahwelıne.Ucdo kito 45 akore mu camaydan dıdaciri l’Karamles udımşarelın dzırci u d’husdi a hete. Elo ba fulhonathe kloqın casqutho rabtho cal du tukoso marıhbono dı Dacış manhable u mahrawle amakinat dkıtwolın.

Ube bzabno i sniqutho dkıtlın ucdo dmaydi makinat b’kıre ktıryo tathir mrimono cali ciyeşathe i momunoyto, mawxa u şutoso Amerikoyo d’USAİD mawdacle dgımqadım makinat u alat di zaricutho la nakore d’Karamles. USAİD mawdacle dgımqadım yawme dıtre dıbqamuthayna lu makıthbo du bnoyo d’Karamles, ışto traktore u tarte alat du teltimo du tawno u tımone alat hrene du tetfiyo di nuro.

Bu zawho du mdoyo du qyomo, u rişono tukoso da şlihe nacime di mcadronutho udu quyomo Cimad Sbeh mawdacle d’ğalabe akore hani ışne kloqın husrone rabe, cal dlayto snodo towo mi şultonutho d’Boğdod, u mırle ”u isniyativano gıdhowe gıdsonıd zıd m’45 akore bi qastra d’Karamles, bnişo dmitaqwiyo i aykanoyutho di zaricutho”.