Waşington grışla i taşdartayda ma bazare dıkmisomi cali şalyuthzayno du qlimo d’Ğaza

WASHINGTON/DOHA — U mathlono d’Amerika bu madınho mescoyo Stev Witkof bu buyono dıfrısle ba dafe kenşoye du nawlo mırle “fsıqlan dmadcırina u grubaydan mi mditho dı Dawha b’Qatar laşan dhowelan mşawronutho camıhdode bıthır mu funoyo haroyo dhule u zawco Hamas, udıkmahwe bıqrihutho dlatle mabco dmımte l’şalyuthzayno bu qlimo d’Ğaza”. Witkof mırle ste “bu zabno dıksaymi an’athrawotho mescoye fulhone rabe, Hamas lıkmahwe rakixutho ba bazre ulıkımqadım b’şıkıl çıddi ub’towutho lu maşıqlano”. 

Bebzabno, Witkof mawdacle di mdabronutho d’Waşington gıdurşo ucdo alternative hrene laşan du tedciro da yasire İsarloye la botaththe, ulaşan dmiqafe arcutho dkiba zud şalyutho la comure d’Ğaza. 

U mşalo Amerikoyo dmawdacle dcamıhbol dkımqadım Hamas bu şıklano, makadleste d’Waşington kıtla mabco dmatimo u qrobo, udfırso şlomo aminoyo bu qlimo d’Ğaza. 

Camgabıdathe, u makıthbo du rişwazire d’İsroyel Bınyamen Netenyaho bu buyono dıfrısle mırle “fsıqlan dmadcırina u grubaydan da bazare l’İsroyel laşan dımdawmina i mşawronutho bıthır mıdmatilan u funoyo d’Hamas cali rmoyto di şalyuthzayno d’Ğaza. Ahna kımyaqrina a’fulhone da n’athrawotho mescoye Qatar u Mısır wa fulhone du mathlono Amerikoyo Stev Witkof dkımnasın dmihaqıq dawse msimonitho ba bazarani”.