Waşington latyo darqublo lu sistem federaloyo, elo i sbuthathe klozım a’Suriye dhınn d’obın u fusqonaththe bhaq dida

WASHINGTON — Bu knuşyo dsımla athmıl la gelyunore b’Waşington, i malılto di wazirutho di baroyutho d’Amerika Tammy Bruce mırla;

“u dactid d’Suriya bidothıd du camaydayo wi qadmoyutho ucdo lu terkiwo di şalyuthoyo. Ahna latna saqıbloye li federaliye aw lu şultono yothoyo, elo u fusqono la Suriye yo”. 

Bebzabno, Brus mawdacla di mıştawtfonutho da Suriye kulle li şultonutho ulsoyoyo, laşan dlımikarrıri a’haşe dcişi bu dacbar, u mathkarla ste d’Amerika ksaymo qroyto dmitarku maşıqlo dhowe u şuroyayde banyo cali şalyutho, calu benyono tahtoyo ucalu şlomo. Brus mawdacla ste du fusqono bi sbutho du şıkıl du rejim folitiqoyo d’Suriya, klozım dmibayın ma Suriye. 

I maqırhonutho dhula i malılto di wazirutho di baroyutho d’Amerika Tami Brus athyo tarıs di maqırhonutho dhuwole meqım u mathlono dilonoyo d’Amerika b’Suriya Tomas Barrak dmırwole “u sistem federaloyo lıkşowe l’Suriya”. Wu medano hze mhın gabe Suriye dkıtyo mqabıl du dawro mescoyo dıkmıştacele Barrak b’Suriya. 

Brus mawdacla ste d’Amerika kıkırho u cnufyo b’şıkıl kulonoyo b’Suriya, u ksaymo qroyto dmitaklın a’taxtuşe b’gawıd du athrano, u mırla;

“Amerika ba 48 şoce dşaficina mrayşanla fulhone deblomasi ğalabe laşan dmitaxifo i mwatyutho b’Suriya”.

Does federalism work for Syria?

US State Department Spokesperson Tammy Bruce answers Rudaw’s @diyarkurda during a press briefing. pic.twitter.com/aKctwMrqRK

— Rudaw English (@RudawEnglish) July 17, 2025