Wazırto Jabro mıstaqbela i rişathzgadto d’Australya bu Iraq

İ wazırto di galwoyutho du Iraq İvan Faeq Jabro, mıstaqbela bı Boğdod i rişathzgadto d’Australya bu Iraq Juwan Lodens.

Bi ytawtathe, Jabro dkıtyo mi cito Kaldoyto d’Bobıl, mawdacla di şıltonuthayda kfulho ucdo b’surhobo laşan dmisım u hethotho d’Şigur xıd mathlo standard la fenyotho dıshifi ba hjome dsımwole u tukoso marıhbono dı Dacış.

İ rişathzgadto d’Australya bu Iraq Juwan Lodens, lumıhreno sımla socurutho li wazırto di galwoyutho bi şultonutho d’Boğdod İvan Faeq Jabro dkıtyo ma nabnotho du camaydan du Iraq.

Bayn da sebwotho frişe dıdrişi bi ytawtathe, atre gabe bu zyudo dkule kalın cali sbutho da galwoye uda dacore la fenyothathe, u dilonoyith drişo i sbutho d’Şigur xıd mathlo standard la fenyotho dıshıfile Dacış.

İ wazırto Jabro bu mamlo dsımla, mawdacla di fnitho d’Şigur dkıtyo mathlo la fenyotho dsim u hurorathe u dıshifi bi netije da hjome marıhbone dı Dacış, kıtle ucdo sniqutho l’mdabronutho gawoyto druhe, u mawxaste a’tarmiyotho du bnoyo udu hethotho d’Şigur wa qıryawotho dkıtne masre cami fnitho mşawhıri, uhul ucdo i sagiyutho da yaqrotho Yezidoye lıdaciri la botathe.

Bebzabno, Jabro makadla di şultonutho du Iraq dkımrayşanla ucdo Mustafa Alkazimi lfulh ucdo laşan dmibayın şroyo msarhıbo li fnitho d’Şigur, udmisım u garanti du dcoro da comurayde kulle.

Athmılste, Jabro hawila bu darbo du Skeyp lqoyto camu rişızgado du Yaban bu Iraq, u makadla dıklozım dmitahwe snodo li sbutho da galwoye u da dacore la fenyothathe.

U rişwazire du Iraq Mustafa Alkazimi, bi lqoyto dhawiwole yawme d’huşabo dşaficina camu fatıryarxo di cito Kaldoyto d’Bobıl Mor Luwis Rofayel Sako, mawdacwole dkımayıd u dcoro du camaydan lu athro du Iraq, u dşore aqetre dkıtle.