Yacqub Yusuf Yacqub qayıthle sohdutho du magister bu haqlu du huquq

Farsufo mu camaydan mi mdito Suryoyto d’Barıtle di daşto d’Ninwe, qayıthle sohdutho du magister b’darğo celoyo bu haqlo du huquq.

Yacqub Yusıf Yacqub dqayıthle u magister bu cımro d’67 eşne, ucdo u rişono du Mawtbo da Caşıryotho Suryoye d’Barıtle’yo.

U yolufo rabo du cımro Yacqub Yusıf Yacqub, bıthır mıd şafıc u cımro di mşawtbutho, hıze farsufo dıkşowe dmitahwele sohdutho du magister b’darğo celoyo bu haqlo du huquq.

U Yacqub dkıtyo farsufo mu camaydan d’Barıtle di daşto d’Ninwe, qayıthle i sohdutho du magister baroyo bıthır mıd driş u buhono dsımle calu şroyo da krize dkowın bi sbutho di methhaşhonutho da kanale da maye Emwothoye.

U Yacqub dkıtyo cımre 67 ışne, lu droşo du buhonayde mıştawtafle yadıcthone bu haqlo du qonuno udu huquq, nahire mi hiğmonutho d’Ninwe u rişone citonoye mi mdito d’Barıtle.

Camgab di sohduthayde bu haqlo du huquq, Yacqub Yusıf Yacqub kıtleste sohıdwotho yulfonoye bu haqlo di ardixlutho uda hoşube ubu haqlo du qonuno Emwothoyo. Wu ucdo’ste u rişono du Mawtbo da Caşıryotho Suryoye d’Barıtleyo.