21/07/2020

14.423 farsufe qtili ba teşniqe b’Suriya

‘Kito tahwiyotho dıqtil hol 14.423 bnaynoşo ba taşniqe dsimi b’Suriya, mu zabno dımşarele u qrobo gawoyo du athro uholucdo’. I mawdconuthathe di Mşatasto da zedqe noşoye d’Suriya’yo.

 Bebzabno i Mşatasto m’akadla di sagiyoyutho da farsufani dıqtili, ma taşniqe dsimi ma hayle du rejim du rişathro Başar al Asad.

Lfuth i mawdconutho harayto dıfrısla i Mşatasto da zedqe noşoye d’Suriya dkımcaqbo u qrobo gawoyo du athro me London d’Britania, m’akadla dkito tahwiyotho dıkm’adili dmi şato da 2011 uholucdo, qtil b’Suriya hol 14.423 farsufe bu zabno dmafiti ba taşniqe qaşye.

İmşatasto mawdacla, ğalabe ma hayle dkıtne bıgawe du qrobano d’Suriya sımlın hawbe da taşniqe u dışlın a zedqe noşoye, elo u rejim d’al Asad kıtocın i mşalutho du qatlo d’98 ba mo da farsufani dmafiti ma taşniqani a qaşye hol dımvayaclın a hayathe.

A hayle saqıbloye du gayso Athronoyo, qtilın 43 farsufe ba taşniqe, a ğrobe marhıbone d’Dacış 32 farsufe wa Gbino d’al Nusra qtilın 26 wa ğrobe hrene qtilın u mede 21. Beyn da farsufani dı qtili ba taşniqe kito 64 neşe, 179 tloye wi sagiyoyutho dani’ste, qtili ma hayle di mşaynutho du rejim.

İ Mşatasto bu taşroro dfrıswole meqım yarho, maglewola du rejim d’Suriya kmıstacmıl hol 72 metode frişe da taşniqe guşmonoye, nafşonoye u ğensoye. Ba hbuşani du rejim’ste, kmitahıt hol 50 farsufe bı qeloyto nacımto. Lfuth i saqıbloyutho’ste, kito adyawma hol 500 alfo bnaynoşo msike ba hbuşe du rejim.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…