2 qoyume mu cameydan kmıthomi dkıte masirutho cam grube kriminel bu Swed

Bu zabno haroyano u tbcoco froso du Swed, kdorış i mawdconutho dhuwole u rişono da pwelıs du Swed dmırwole, kito 40 grube kriminel dkıtne masre ba caşıryotho iqarthonoye.

 Lfuth u tboco froso dilonoyith i sfaryawmo d’Aftonbladet bu taşroro ğnizo dıfrısle u polis, kmıthomi 4 qoyume me gabe mşahılfe dkıtlın asirutho ba grubani da caşıryotho.

 Lfuth a droşani dkowın bu tboco froso mawdıc, dkito 4 qoyume mi xasra d’Stockholm dkıtne xlite bi sbutho da grubani da caşıryotho, beyn da mdinothaniste kfoyıt u ışmo di mditho d’Söderteljeste.

Bıthır mi mawdconutho dıfriso i sfaryawmo d’Aftonbladet mawdıci a ışmone d’2 qoyume du cameydan dkıtne Robert Xalaf mu gabo da Mşihoye-KD dkıtyo bu parlamento du Swed u Yılmaz Kerimo mu gabo da Sosyaldemqaratoye dkıtyo qoyumo catiqo.

İ sfaryawmo kımmo a 2 qoyumani kıtlın esore yaste qariwutho la grubani a kriminel, elo a 2 qoyume bu funoyo dhuwlın rfıdlın a tebani u mawdaclın duglene u thome dlatne şrolo.

Ahna xıd Suroyo tv ba tahrazyotho dıbqamutheyna, kımcaqbina i sbuthathe du taşroro dıfrıslın a pwelıs, dıktuhmi yaqrotho mu cameydan dkıtne hayobe-kriminell.