6 şutose du cameydan frıslın buyono mşawtıfo laşan dı gurşi u zuhoro cala qatle u dyoşe dkowe calu cameydan b’Turkiya

6 şutose du cameydan d’Urifi frıslın buyono mşawtfo laşan dı gurşi u zuhoro cala qatle u dyoşe dkowe calu cameydan dıkhoye b’Turkiya u b’Turcabdin tahtu ışmo a Suryoye latne dlo more.  

A şutose bu buyonathe ktılbi mi şıltonutho u ma hayle qlimoye dkıtne b’Turcabdin dımhalqi dawsat laşan u cameydan dhoye b’şlomo ba dukotheyde a şırşoye.

U buyono da şutose kımşare ba melani bhaşo  kımcaqbina a hcome wa dyoşe dkowın calu cameydan dıkhoyın b’Merde u b’Turcabdin u dilonoyith bu zabno haroyo kzaydi a hcomani wa dyoşani.

U buyono komır ahna a şutose du camo Oromoyo Othuroyo Kaldoyo Suryoyo dkıtna bi golutho dmahatlan a ışmoneydan tahtu buyonano khozina ulsoyo dgurşina u zuhoro cala hcomani u kıtlan ntırto da şutose noşoye u demoqratoye wa rahome u hani dkıtlın awyutho camu cameydan dı kolın acme.

Bu buyono a şutose kmahkın cala taxtuşe dhawın ba teşciyat  wa qatle da qatolathe latne idice cbırlın u cameydan li golutho u maxlın a qıryawotho,elo bıthır mi şato da 2001 u cameydan mşarewole ba dawsat du dcoro, be bzabno u rişwazire d’Turkiya du zabnawo Bulent Ecevıtn sımwele qarayto la suryoye dı ducri lu athrathe. Bıbıthır mathe a Suryoye mşarewolın dımhaththi a botathe, elo bıthır ma dawsani du dcoro ucameydannaqa hreto laqi b’qatre u şuwole dlo şrın .

U buyono komır ba qıryawotho  u ba dayre dkıtlan bu qlimo kule nafıq  a qatre da arcotho, bıthır i sbutho di iqartho be Diril u qatlo ddu Suryoyo Yusuf Kurt, u fusqono du bethdino dınhaq du dayroyo Aho Sefer Belican.  U wu qatlo dGawriye Sarı hın ma dyoşe u hboso dkımdawmicala Suryoyene.

Ubuyono da şutose komır u camo Suryoyo dkıtyo camo more dmaktabzabno şerşoyo du athro u dhawi geşro bayn da mardwotho u da şuşote di duktho ucdo kloqı caqs da medonani. Ğalabe naqat a hcome wa qatle dkowın mqabıldu camo Suryoyo kfayşı dlo fnoyo u lık mişayıl aclaye.

Bu huthomo du buyono da şutose dkımzahri i şıltonutho wa hayle qlimoyde ma hcome dıkmisim calu camo Suryoyo komır  kıtlan ntarto mi şıltonutho u ma hayle qlimoye kule dımhalqi dawsat dmitaklın a hcome dıkmisomi calu camo Suryoyo dkıtyo u camo şerşoyo di duktho ,inaqayo kibe dhoye bı şlomo cama came di duktho.  Be bzabno dmıtaqbıl u camo Suryoyo wu maktabzabneyde wi mardutheyde. Ahna a şutose  u huyodo du quyomo da qıryawotho d’Turcabdin DETA U huyodo Suroyo d’Urifi ESU U huyodo da Suryoye d’Almanya HSA Kano Suryoye U huyodo d’Turcabdin du Swed TFFS u huyodo da hudre Othuroye  d’Urifi i mıscoyto u d’Almanya. Hadirena dmamtina i wolitho dıgmitlıb minana laşan du cameydan u Suryoyo dı hoye bı Şlomo bu athreyde u şışoyo.