28/08/2020

A 6 şutose dımcadarlın Turcabdin frıslın egartho la mcawnone

A 6 şutose dsımwolın awyutho camı hdode d’zawni makinat du tetfiyo di nuro l’Turabdin, frıslın egartho ruşmoyto dkımqadmi tawdiyotho la şutose u la yaqrotho u dkul man dhawi sanodo bi tarmithathe.

 Bi egartho a şutose kmahkın cali tahrazto dsimowa bu froshezwo d’Suroyotv wu camo bidothe ftihe, mcadarwole i tarmithathe du snodo dıla qıryawotho d’Turabdin.

 A 6 şutose du cameydan dkıtne DETA, HSA, ESU, ZAVD U SUDEF  sımwolın awyutho cam hdode laşan dmalıtmi zuze dzuwni makinat du tetfiyo di nuro la qıryawotho d’Turcabdin. U teltimo da zuzeste mıdwolın fusqono dmalıtmıne b’Tahtrazto dsimo b’Suroyo tv. Bıhır mıd makşarlın bi tarmitho ucdo mşadarlın egartho dkımqadmi tawdiyotho lkulman dhawi sanodo bi tarmithathe.

İ egartho dıfrisolın u mşadrolın la şutose u la yaqrotho dı snıdwolın i tarmithathe bı zewono d’makinat kımo, bu siqumo d’12 bu yarho da 7 mtayıb tahrazto b’Suroyo tv hayo cama mdabrone rişone da huyode, u bi tahraztathe maltım kmoyutho d’zuze mu camo Suryoyo  di golutho.

A şutose bi egarthathe kımi: ma cumqe da lebawotheydan kımqadmina tawdiyotho lebonoyotho u kmawdina la mıştawtafone d’bidothe şfice mqadamxun mcadronutho la ahunonathxun dbu athro d’Turcabdin. Bu  huthomo di egartho a şutose kımqadmi tawdiyotho lkul man dhawile tacbo bi tarmithathe dmafsahla a qıryawotho du cameydan d’Turcabdin.