A Botaydine bu Swed zayidi ğalabe

Bu zabno haroyo bu athro du Swed kmıfrıs tebe mşahılfe cala qatle u cala qalat dkowe bayn da gurube dıksaymi qale bayn dıhdode mawxa a mqimdayone kmawdıci dlaw kmalhıqi la bethdayone.

 Ba zabne haroye mşarewolın a droşe da gurube da caşıryotho dkito zıttır me 40 gurube bu athro.

Ba tebe dıfrisi athmıl naqla hreto kıtwo qatlo d’farsufo b’Stockholm u bı Malmöste star me tebe qlimoye dkowe qetre u şuwole beyn da grube dkito bu athro. Lfuth i sfaryawmo d’Aftonbladet  hın ma mqimaydino kobın  mawdconwotho kımmi; Law kımalhıqina a fulhone da bethdine da grube dıksaymi bişutho, qatle u mhoye dbeynothıd dıhdodhe.

Lfuth u tebano dıfris me mabuce hrene du tboco froso meqım zabno ba mdinotho rabe u hedoraye, kıtwo a grubani dkıtne hayobe elo ucdo ba mdinotho dkıtne nacimeste zayidi xıd mathlo Örebro, Boros, Landskrona u Södertelje u ğer.

Bi maqırhonutho dkobın a mqimaydino kımmi; Camgabed dkıtyo u mınyoneydan ışmo u mıqa dkothe dıkzaydi a qatle, a tenhibe uhboso du myodo d’zuze wu hilat momunoye dıkmisım lıkmalhıqina a fulhonani.

Mawxa ksaymi qreyto dmitahwelın zıttır snodo u mkone dı qudri dmalıhqi a fulhone da bethdine dıklozım dkumli bzabno karyo. Bu dumyano kımahwe a qatle, a qalat wu hbsoso du myodo da zuze kzoyıd bu athro du Swed.