A hayle d’CENTCOM simlen cuqobe cal Dacış bu Cıraq u b’Suriya
İ mdabronutho qentrunoyto da hayle du koalisyon Emwothoyo frısle maqırhonutho cali şişaltho da cuqobe dsımlın bi harayto du yarho dşafıcina cala krılyotho du tukoso marhıbono d’Dacış bu Cıraq u b’Suriya. Bi maqırhonuthathe dfriso athmıl mawdıc’ste, da cuqobani simi mşawtıfo camu gayso Cıraqoyo ucama Haylawotho d’Suriya Demoqratoyto.
CIRAQ / SURIYA Lfuth CENTCOM-i mdabronutho qentrunoyto da hayle du koalisyon Emwothoyo dkıtyo bi rişonutho d’Amerika u dkobe ağono mqabıl di marhıbonutho, maglela cali şişaltho da cuqobe dsımwole u koalisyon Emwothoyo cala krılyotho du tukoso marhıbono d’Dacış bu Cıraq u b’Suriya me 21 uhol 27 bu yarho d’İyor.
Wa cuqobani’ste simiwo mşawtıfo cama hayle Cıraqoye b’Salahaddin, Kerxeslox u Falluja, wu cama hayle muttafikayde d’QASAD b’Deyr Ezzor. Bi mawdconuthathe dfriso athmıl bi dafo du gayso Amerikoyo magle, dsim 6 cuqobe casye cal Dacış-5 menaye bu Cıraq u haroyo sim b’Suriya.
Bi netiçe da cuqobani’ste qtil 2 marhıbone, msıklın 2 hrene dha menaye, mşalo d’krılto d’Dacış bu Cıraq’we. Camani’ste magle calu mınyono celoyo da zayne, da buğre uğer lojistik folhoyo d’Dacış, dmahıt ido acle. U rabhaylawotho Amerikoyo Michael Erik Kurilla mawdacle, d’CENTCOM wa hayle bnayqyomo du Cıraq u d’Suriya, masrene bu şudoyathe dquşci u tukoso marhıbono bu qlimo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
