A howbe Surhonoye bu Swed bşıkılat mşahlıfe zayidi

Bıthır ma tebe u ma droşe dı hawiwo bu athro du Swed cala gurube da cbode Surhonoye  dkıtne masre ba caşıryotho iqarthonoyotho ucdo kmıdrış da cbodani matın la farsufe da cımre nacime.

 Mathlo lu medano b’Södertelje  kmitagle cala hawbe momunoye u botkyrka d’Stockholm a pwelıs kmawdıci da cbode surhonoye nahiti la cımre tahtoye dıkmıhşowi zcure.

 Bu tboco froso gawonoyo du Swed kmıfrıs tebe mşahılfe cali aykanoyutho da gurube da cbode surhonoye awkith di kriminalitet u bebzabno kmitagle cal hın ma hiyal u ma hawbe momunoye dıkmisomi mu taraf da gurubani.

Bi sbuthathe kmitahke da gurubani kımşatsi şırak dilonoye laşan dmıstafdi u dsaymi hiyal ba zuze du madatho u ğer sıbwotho. Mathle dkito şırke dkıtwa dımcawnowa la sobe u la hgire mahwuyowa cawode u farsufe sobe dı latweyne bi şrolutho, mathlo hreno lu medano iqartho mu athro du Iraq mahwela du babo di iqartho qtil bu qrobo du Iraq u mıdlın zıtır me falge dmılyun krone cal dı qtil elo bıthır me 13 ışne magle du farsufano kcoyış bu Swed tahted ışmo hreno, u  xıdani mathle kito ğalabe komır u tbcoco froso du Swed.

Me gabo hreno bi mawdconutho dkobın amşale da pwelıs d’Botkyrka dkıtyo fnitho mıd Stockholm kımi hani zabno yarixo kobina qale mqabıl du tekliyo u du tetimo da fulhone Surhonoye di kriminalitet elo i şrolutho mıqa dkothe a fulhonani kzeydi u knıhto la cımre tahtoye, awkith meqım claymeweyne dsaymiwo a cbodani elo ucdo kito hın mane dkıtne bcımre da nacime.

Bu tboco froso qlimoyo d’Söderteljeste kmawdıc di karxutho wa pwelıs wi nuqazto du madatho wi nuqazto da zuze du kewo u da nacime mabdelın fulhone cam hdode laşan dımqafın a şırak wa farsufe dıksaymi hiyal calu athro du Swed.

Bi sbuthathe a nuqazyothani kule masrene camıhdode laşan dhozın abnaynoşo mın ksaymi mathlo en Polis kmosık farsufo dsımle hawbe mede kmawdıc la nuqazyotho hrene di karxutho dhowelın xabro du farsufano lo maydile lu şuğlo awste dımcawnile u ğer sıbwotho hrene.