Atre şutose di claymutho da tarte marciyotho du Swed di cito Suryoyto ortodoksoyto mtayabe knuşyo dı turgome

Atre şutose di claymutho da tarte marcyotho du Swed di cito Suryoyto ortodoksoyto mtayabwolın knuşyo dı turgome bi fnitho d’Norrköping.  Bıthır mu turgomano i claymutho sımla socurutho li dayro du slibo dkıtyo bu Swed u mıstaqbelın a tre dayroye hathe dıgdowın mşale di dayro hathto dızwino bu Swed.

SOKU  u SOUF dkıtne tre şutose di claymutho da tarte marciyotho du Swed kımtaybi hfitwotho cam hdode laşan i claymutho dhowela mahwo u şqolo cam hdode.

Ba yawmotho dşafician atre şutosani di claymutho mtayabwolın turgome bi fnitho d’Norrköping bi mtaybonutho d’zıttır me 300 clayme u claymotho cam kohne dkıtweyne hadire ba turgomani.

U nişo dkıtlın a tre şutose di claymutho di cito Suryoyto Ortoduksoyto du Swed dmazidi i idactho di claymutho calu maktabzabno u cali haymonutho di cito Suryoyto.

Bıthır ma turgomani i claymutho azza cam hdode li dayro du Slibo dı zwino mu gabo di fatıryarxutho laşan dhuyo nuqazto di cito bu Swed.

Bi socuruthathe i claymutho laqyo batre dayroye hathe dmıdlın i mşalutho di dayro dkıtne dayroyo Şarbel u dayroyo Samcın dıgdowın a rişone di dayrathe dı zwino mu taraf di fatıryarxutho di cito Suryoyto ortodoksoyto.

A fulhonani datre şutose kıtlın nişo di claymutho da tarte marciyotho dyılfi hdode u dıqudri bu dactidh dmaqwın a fulhonathe zıttır.