A neşe Suroye bı tloth nuqtotho frişe dıbritho b’Cayni yawmo gıdlıtmi lıhdode b’lumodo makthabzabnoyo

BRITHO — U Lumodo di athto Suroyto 12 bu yarho d’Tamuz Yawmıd d’Şabtho gıdothe lu hwoyo bcayni zabno;  b’Almanya bi Mditho d’Pohlheim  b’Bürgerhaus Hausen, b’Suriya mditho di Qamışlo bu Restorant d’Zuhuriya, bu Iraq bi mditho d’Ankawa bu şquqo d’Majdal i şuctho ba 10:00 d’Urifi uba 11 du athro.

U lumodano dsim bi qroyto du Huyodo da Neşe d’Bethnahrin, gıdmalın lıhdode a neşe du camo Suryoyo – Kaldoyo – Oromoyo – Othuroyo di golutho udu athro. U lumodano kıtle nişo dmiqafe şuryone mşawtıfe la şwole dıkcayşi a neşe Suroye, ume hatho dmitawdıc u dawro di athto dkıtla bu kenşo u dmitaqwe.

Bi egartho du lumodo i mılthathe gırşo u zuhoro “athi u zabno, di athto dmaydo u dawro makthabzanoyo dkıtla naqla hreto. Gıdmalxina bu darbo da neşe qawye xıd Şamiram, Zenobiya u Iştar, wahna adyawma gıdkolina bşıkıl qriho mqabıl da casqwotho.”

U lumodaano kıtleste nişo, dımmathıl u qolo di athto Surayto ba platforme du Madınho, udu Macırbo. Kito ntırto mu lumodano, dmimıd fusqone b’sıbyono d’athto qwitho u dmihalıq dawsat dıkfıthi darbo leşan du dactith.

Ba afişe dı frisi kmahwe a mawdconwotho leşan di mışatawtıfonuto. U kmisım qroyto la neşe Suroye dmıştawtıfi lu lumadano.

İ sictho mtaybonitho kmawdıco, u lumodano latyo bılhude lqoyto lıhdode, elo remzo du mrodo, du mathyo lu bolo, u mawlodo me hathoyo. A neşe klıtmi lıhdode, qowın, u bşıkıl qawyo naqla hreto kdıcri lu masırho du makthabzano.