A qetre dkıtla Belerus bıthır ma ğuboyeste kımdawmi

B’Belerus yaste bu ışmo catiqo Rusya i Hewarto, kımdawmi a qetre dkıtla bıthır ma ğuboye di rişonutho dhawın bi şabtho d’şaficina.

 Camgabe du camo dnafıq la şuqone leşan dmahwe u hfuxyayde mqabıl du rişono Aleksander Lukaşenko dımnaqe i saqıbloyto Svetlana Tikhanovska layto tebe acla haykoyo.

 Bu athro d’Belerus hani zabno yarixo u rişono Lukaşenko kminaqe rişono, b’ferşono rabo da qole xıd hawi ba ğuboyaniste 80 bamo lfuth a natijat dheş latne ruşmoye. Lfuth a saqıbloye siyasi du athro u rişono kmıstacmıl a darbone kule laşan dlıtore a gabe saqıbloye dhowelın darbo dmaşımci u qolathe, u be bzabno kmıstacmıl darbono di zoctho mqabıl du camo laşan dlobın u qolathe la saqıbloye.

Me zabno d’20 ışne mınyo d’2 saqıbloye dkıtweyne mraşhe li rişonutho layto tebo cala hayathe aw en khoyın aw lo, lfuth u tbocfroso du Swed u ilonoyith u radyo du ha mawdacle da saqıbloyani dkıtweyne Neşe mcadbi u bıthır qtili.

Mawxa khozina bıthır ma ğuboyani dhawınste i saqıbloyto Svetlana layto tebo cala hayayeyda elo hın mu tboco froso komır mgalwela l’Litvanya laşan dlımımsoko awste ğer mede.

Ele cam hathe kula u camo kımdawım ba tagılyotho u dmahwe hfuxyo mqabıl da ğuboye dhawın dıkımi kito hiyal ba ğuboye, u bi sbuthathe amdiqone tibeloyeyste kımi hawi hile bu ğuboyani.