U Komisyon d’Urifi frısle u taşrorayde calu teqbilo di hadomutho d’Turkiya

U komisyon d’Urifi frısle u taşrorayde u şatonoyo cala dawsat dımhalqila Turkiya laşan dmitaqıblo i hadomuthayda bu Huyodo

 Bu taşrorayde u komisyon mawdacle di demoqratoyutho b’Turkiya mşawhıro b’şıkıl dkibe qento.

 U komisyon d’Urifi makadle da bazare cam Turkiya laşan i hadomuthayda bu Huyodo d’Urifi klıqyo b’qetro, cal d’Anqara bu qedomayda kımdawmo druhqo mu Huyodo ukmişawhıro b’şıkıl dkibe qento bu haqlo di demoqratoyutho.

U komisyon d’Urifi bu taşroro şatonoyo dıfrısle athmıl cali siyase du terwiho du Huyodo mırle “Turkiya kımdawmo dmarhıqo mu Huyodo mi celtho du qento du şuhorayda bu haqlo di demoqratoyutho, di morutho du qonuno, da zedqe asasi udi şaryutho du sistem du bethdino”.

Bebzabno, u komisyon Urifoyo mawdacle dkito ucdo tırpılto rabtho qum da bazare di hadomutho dı Turkiya bu Huyodo d’Urifi, u mawxaste laybe dmıdrış sebwotho hathe bu haqlo da bazare.

Camgabıdathe, u komisyon mawdacle di qentronoyutho di şultonutho dı Turkiya kımmathlo i celtho dhariwo i aykanoyutho bu haqlo di hirutho du renyo, da hbuşye udu bank qentrunoyo, u ba melani mdawamla “i şultonutho dı Turkiya b’surhobo kımathro bşıkıl mrimono cala fulhone d’morıd da şuğlone rabe dıksaymi tarmiyotho momunoye b’gawıd dı Turkiya. Adawsat du qento dımhalqi mqabıl di demoqratoyutho b’Turkiya kımdawmi mu zabno du inqilab folhoyo dhawiwo i şato da 2016”.