Ağrobe marhıbone Dacış bdelın dhowın haylo

‘A ğrobe marhıbone d’Dacış, bdelın naqla hreto dmaydi haylo bu Iraq u bı Suriya’ a melani di wazırto dcala hayle folhoye d’Fransa Florence Parly’ne.

 I mawdconuthathe hiwola i wazırto Franşoyto, bu zabno di maqıblonutho dsimo acma b’tahrazto dsimo bu frosqolo du athro.

Bu funoyo dhuwla i wazırto dcala folhe Franşoye Florence Parly cala şwole dımqadmi bu frosqolo du athro mırla; Dacış ğlib bu Iraq u b’Suriya, elo u tukoso marhıbono heş kıtle ithutho ba 2 athrawotho u kiban’ste dhozina, da marhıbonani qadiri ışmo’ste dhowe, dmaqwın ruhaye bu Iraq u bı Suriya.

Parly mırla’ste; Bıthır mu hjomo qaşyo dsim cal baso bu madınho d’Suriya u dhawi celtho lu qatlo d’25 farsufe u 13 hrene dmijarhi bu qlimo d’Deyr Ezzor, kımadıl da marhıbone naqla hreto mıdlın haylo u maqwelın ruhaye.

Cali xasra du Iraqste, Parly mawdacla du tukoso marhıbono heş lo qşic kamiloyith u calathe u Fransa wu koalisyon Emwothoyo kımdawmi a cuqobathe acle. Parly mırla; A tayosyothaydan dkıtne b’Yurdnon, kımaydi duktho hfıto ba cuqobe dıksoyım u koalisyon Emwothoyo cal Dacış.

Bi harayto da 2017, ğlıbwo Dacış bu Iraq ubı Suriyaste matımwo ma Haylawotho d’Suriya Demoqratoyto bu snodo du koalisyon Emwothoyo bu yarho d’Odor da 2019. Bi tahraztathe, drişowa’ste i aykanoyutho da folhe Franşoye bğer athrawotho; beynothaye Mali.