Ahaylawotho d’HPG mawdaclın dmanfelın helikopter du gayso Turkoyo

Ahaylawotho du sutoro du Camo-HPG mawdaclın dmadrelın helikopter du gayso d’Turkiya bu zabno da cuqobe dsaymowa b’Haftanin du garbyo du Iraq.

 HPG frısla mawdconutho cali hfituthathe dsimo 16 bu yarhano, u bebzabno makadla dımhelen b’helikopter hreto dıhzela husrono rabo, elo lo mahwele d’nafilo.

 Ba hjome dıksaymo Turkiya cala arcotho du Iraq mamtela atre athrawotho l’darğo da esore d’beynothaye dmiwatın ğalabe. Ahjomani ksaymolın Turkiya cal ışme dkobo qrobo mqabıl da haylawotho du ağuno di hirutho da Kurdoye-PKK.

Ba taxtuşe dkımdawmi beyn Turkiya wu gerilla di PKK, qmıqtıl farsufe ğalabe u dilonoyith ba hjome dıksaymo Turkiya ba tayosyotho, kobo husrono lu camo dıkhoye bu garbyo du athro wu camaydan u Othuroyo-Suryoyo dıkhoye bu qlimanoste kıhoze husrono rabo.

Bi mawdconutho dıfrıslın, PKK ba taxtuşe haroye dhawın ba 2  yawmani mhelın darbo lu gayso Turkoyo bıthır mıd madrelın helikopter Skorsky u hretoste hzela husrono elo lohze d’nafilo. Lfuth i mawdconutho dıfriso, lo mawdıc mıqqa folhe qtili bu nfolo di helikopterathe.