Ahaylawotho di HPG mawdace dıqtilın 79 folhe Turkoye

A Haylawotho du sutoro du camo HPG, mabdelın cuqobo folhoyo mqabıl d’konvoy du gayso Turkoyo bi hiğmonutho d’Ağrı bu madınho du qlimo d’Anatolya.

 Lfuth u buyono dfrısla i HPG, bu cuqobano dsim hedor 80 folhe Turkoye qtili.

Ahaylawotho du sutoro camonoyo wa haylawotho di athto hırto d’Star HPG frıslın buyono lu ray gawonoyo dıbritho, calu cuqobo folhoyo dsımlın cal konvoy folhoyo du gayso dı Turkiya hedor di qastra d’Beyazıd bi hiğmonutho d’Ağrı.

Lfuth u buyono dıfris, ahaylawotho di HPG dkıtne u gefo folhoyo du gabo di PKK, sımwolın 02 bu yarhano ba şoce d’safrayto cuqobo folhoyo rwiho mqabıl d’konvoy du gayso Turkoyo calu darbo dıkmasır i qastra d’Beyazıd cami mditho d’Ağrı qariwo mi qritho d’Kubulak.

Bu cuqobano ahaylawotho di HPG mıdlın tlotho base u radayotho folhoye d’Kopra nişo elaye. Ubi netiçe du cuqobo dsim mfarqıc tıre base dıknıqliwo folhe u mahruw da tlotho, ube bzabno mfarqıco i radayto folhoyto d’Kopra du gayso Turkoyo.

Camgabıdathe, a’haylawotho di HPG hjımlın cala folhe Turkoye d’athınwo li mcadronutho du konvoy folhoyo.

Lfuth u buyono di HPG, ba cuqobani dsimi qtil 79 folhe Turkoye u mçarıh ba casrowat hrene dınqili ba radoyotho du ambulans la botaykrihe, elo a’mharbone di PKK daciri la nuqazyothaththe dlo husrono.