23/04/2020

Ahsaye htifene me Başar Al Asad

Fayıt 7 ışne calu htofo datre hsayo d’Holob, u heş layto tebe şarire cala hayathe u aykone.

Bi tahrazto dsimo b’Suroyo TV athmıl Xuroyo Samuel Gumuş dmıştawtafle cal ışme di sicto di fatıryarxutho sımle sturyo i şıltonutho d’Suriya u mırle hul d’Suriya lı mawdıco mede inaqayo kobe rımzo dkıtne sida.

Bi tahrazto dsımwo athmıl b’Suroyo tv bu yawmo şatonoyo du htofo datre hsayo Mor Ğriğoriyos Yuhanın Abrohım u mor Bulus Alyazıci Abuna xuroyo Samuel Gumuş dkıtyo u mathlono di sictho di fatıryarxutho bi sbutho du htofo datre fatıryarxe mawdacle datre hsayo hayene wu sabreydan dı ducri la marciyothathe.

Bi tahraztathe dkıtwe gelyunoro Yawsef Bethturo dayfo eba calu darbo du nawlo mırle: bi sbutho da hsayo i cito lawyo hfıtto, kulnaqqa hawyo natırto u makılyo dhozın mın gıdhowe.

Bu huthomo di taharazto abuna u xuroyo gelyunoro Yawsef bethturo tlıblın mu camo kule dmahıs mşalutho bi sbuthathe u kul ha menan dısoyım u mede dık qadır laşan du qolo du cameydan dmote la platforme dıbritho dsaymi hboso  cala haylawotho dıgmıski a htifoye dkıtlan atre hsayo wu hawreydan Said Hanna Malke u Ramzi Diril.

Check Also

U parlamento d’Australia tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe

U parlamento federaloyo d’Australia, bıha femo tlıble mi şultonutho du Iraq dımşatso şulto…