Ali Xamanei: U İran kitle zedqo leşan u nuklear mşayno
U mşawrono celoyo di qutnutho Maşılmonoyto du İran Cali Xamınyi, mawdacle dkıtle keşlo dmımte l’netiçe ba droşe dıkmisomi cam Amerika bi sbutho di tahrazto du nukler, u naqla hreto makadle du İran kıtle u zedqo dımşawşıt u mluwo du Uranyom. M’gabo hreno, u parlamento du İran m’ayadle adyawma u qyomo di şawtofutho stratijikoyto dımdewo bayn d’Mosko u Tahran l’zabno d’20 ışne.
TEHRAN – U mşawrono celoyo di qutnutho Maşılmonoyto du İran Cali Xamınyi, bu mamlo dsımle athmıl bu froshezwo mırle “a’bazare lo baroye dcam Amerika kmisomiwo heş mu zabno du rişqutno dmeqım İbrahim Rayisi xdu mede dıkmisomi ucdo, u men kulfrus dlo netiçe. Lıkmıtyaqnina ste da bazare dıkmisomi ucdo dmamtım camruhaye netiçe. Lıkıdcina mın gıdhowe”.
Bebzabno, Xamınyi bi maqırhonutho dıfrısle bi dafayde d’X mırle “u mamlo dkımmile an’Amerikoye dlıgıdobi fsoso lu İran dımşawşıt u mluwo du Uranyom jasara cjıqtoyo. Ahna lıknıtrina dqathlan fsoso m’ano umuhreno. I qutnutho Maşılmonoyto du İran kıtla i siyase dilonoyto d’ruha dgıdımaşyola”.
M’gabo hreno, u parlamento du İran mayadle adyawma u qyomo di şawtofutho stratijikoyto l’zabno d’20 ışne bayn d’Mosko u Tahran. Lfuth u qyomano, am’esore gıdmitaqwın zıd bayn du İran u Rusya, u gıdhowe baynothaye methcadronutho tawtır du sutoro.
17 bu yarho d’Konun u Haroyo dşaficina, u rişqutno d’Rusya Vladimer Putin mdewole camu baramnayde du İran Mascud Bazaşikian u qyomo di şawtofutho stratijikoyto dbaynothaye. Wu parlamento d’Rusya m’ayadwole u qyomano.
U qyomano cıl mıdlayto ebe mluwo dkıtle asirutho camu sutoro mşawtfo bayn du İran u Rusya, elo kmawdıc da tre athrawotho gıdfılhi camıhdode mqabıl da tehdide folhoye mşawtfe, gdımşawşıti ste i methcadronutho folhoyto dbaynothaye bu haqlo du teknik, ubebzabno gıdmıştawtıfi l’tedbiqat u duroşe folhoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
