Alkademi mşahlafle i wolitho dhın mşale di şultonutho

U rişwazire du Iraq Mustafa Alkademi bıha cuqobo du lalyo, mşahlafle a wolyotho dhın ma mşale dkıtne bi şultonutho du athro.

 Bıthır mu msoko d’14 farsufe me d’Hizballah du Iraq, ucdoste mşahlıfi a wolyotho dhın ma mşale leşan dmitarkıw şultonutho dkıtyo şritho ma hayle du athro.

Lfuth hın mabuce du tbcocofroso du Iraq, u rişwazire Mustafa al Kademi athmıl b’lalyo bıha cuqobo dsımle, midi hın ma mşale di şultonutho mi wolithathe, u mahıtle ğer mşale hathe b’dukthaye.

Ba tebani Falih Feyyaz dkıtwe u mşawrono di mşaynutho umthoyto du athro mid mi wolithayde u mahıt b’dukthe u waziro catiqo du sutoro Xalıd Cubeydi. Umşalo da tarce da thume, wu mdabrono gawonoyo da thume kulle du athroste mid mi wolithathe.

Be bzabno al Kademi mbadele u rişono du waqıf da Şica, u mamtele b’dukthe Haydar Şemer, u li mdabronutho du şutoso oyaroyo mahıt Nail Said Sivil, u Basim Ali Reşid mamte li rişonutho di banka qentrunoyto du athro.

Camgabedathe athmılste ba tebe dfrıswolan grışwolan u zuhoro cala cuqobe ucalu msoko d’13 farsufe b’darğe mşahılfe ma hayle d’Hizballah bu Iraq dkıtyo masro bu İran.