Amerika mqadamla 4 mılyune dolare leşan u bnoyo di fnitho d’Şigor

Amerika mqadamla zıttır me 4 mılyune dolare leşan u bnoyo wu hethotho di fnitho d’Şigor bu garbiyo du Iraq.

 Be bzabno, i izgadutho gawonoyto d’Amerika dkıtyo b’Arbil mawdacla, di mdabronutho d’Waşington gıdmdawmo dfulho, bnişo dmibayın şartat towe du dcoro da Ezidoye l’Şigor.

 İ izgadutho gawonoyto d’Amerika bu qlimo d’Kurdistan du Iraq, mawdacla d’Waşington mbayanla zıttır me 4 mılyune dolare leşan dmisım tarmiyotho du quyomo d’Şigor.

İ izgadutho Amerikoyto bu buyono dfrısla adyawma, mawdacla du izgado gawonoyo d’Amerika Steven Fagin mtayable lqoyto bu darbo du video cami hfito Ezidoyto Nadia Murad dqayıthwola u şukono d’Nobel du Şlomo. Bi lqoytathe dıdrişo eba i aykanoyutho da Ezidoye, a tre gabe makadlın dıklozım a galwoye Ezidoye kulle dmitadcıri la botaththe bi fnitho d’Şigor bu garbiyo du Iraq.

U izgado Amerikoyo bi lqoytathe mawdacle di mdabronutho d’Waşington, gıdmabdiyo ucdo tarmiyotho b’Şigor bu timo d’zıttır me 4 mılyune dolare, xıd snodo lu insiyativ d’Nadia Murad.

Be bzabno, i izgadutho Amerikoyto b’Arbil mawdacla d’Waşington gıdmdawmo a fulhonayda cami şultonutho qentrunoyto d’Boğdod ucami şultonutho du qlimo d’Kurdistan, bnişo dmişawşıto i aykanoyutho di mşaynutho b’Şigor, udmibayın şartat towe dıkfıthi u darbo lu dcoro da galwoye Ezidoye la botaththe.