12/04/2020

Amerika mşadarla konvoy dımcadronutho la hayle d’SDF

U gayso Amerikoyo mşadarle konvoy hreno lu garbay madınho d’Suriya.

 Bu konvoyano d’Amerika dcabır mu garbyo du Iraq li Gozarto d’Bethnahrin, kıtwo ba casrowat d’radoyotho folhoye la Haylawotho d’Suriya Demoqratoyto.

Bi şabtho haraytathe, mşadarle u gayso Amerikoyo kımo hamlat d’taqwiya u lojistik folhoyo lu garbay madınho d’Suriya. A konvoyani mşadri, walaw u rişono Amerikoyo Donald Trump huwole şudoyo dgımanqıs u mınyono da folhayde bıgawe d’Suriya.

Athmılste mawdıc, du gayso Amerikoyo macbarle mu garbyo du Iraq, konvoy hreno rabo li hiğmonutho di Hasake. Bu konvoyano kıtwo lojistik folhoyo, alat uba casrowat d’radoyotho folhoye dımşadri li Şaddade dkıtyo bu duyoqo da Haylawotho d’Suriya Demoqratoyto.

İ sagiyoyutho da folhe d’Amerika uda hayle du koalisyon Emwothoyo rakiwene bı dukotho du madınho d’Suriya, elo kısaymiste u duyoqo di mşaynutho dfalqo mi hiğmonutho d’Hımıs dkıtyo qarıwto la thume du athro şbobo du Iraq, bnişo dılo mitahwe aftho lu mazlo u mathyo da krılyotho d’Dacış dcubri l’Suriya.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…