Amerika u Turkiya mdelın qyomo calu hefodo da dukotho marduthoye u catiqe

İ wazirutho di baroyutho d’Amerika mawdacla, dımdelın qyomo cam Turkiya leşan u hefodo da dukotho marduthoye catiqe.

 Mawdıc du rişizgado d’Amerika b’Turkiya wu waziro di mardutho udu turizm d’Turkiya, mıttafqi dmisım u sutoro di yortutho bnişo dmitaklıyo i tagorutho lo qounoyto da dukotho catiqotho d’Turkiya.

Bi maqırhonutho dfrısla i wazirutho di baroyutho d’Amerika mawdacla, du rişizgadayda b’Ankara David Satterfield laqi u waziro di mardutho udu turizm d’Turkiya Mehmet Ersoy. Bi ytawtathe, a Satterfield u Ersoy mdelın qyomo leşan u sutoro da dukotho marduthoye catiqe d’Turkiya.

U qyomano dhawi, mathlo’yo da fulhone dmaşela Amerika hani eşne yarixe cam Turkiya bnişo dmitahwe ağono mqabıl di tagorutho lo qonunoyto da athare catiqe u dmihafıd cali yortutho marduthoyto d’Turkiya bu taro di aftho dkobo Ankara bu qyomano, leşan Amerika dmahto tedbire calu zwono d’mal dkıtyo yortutho catıqto d’Turkiya.

U qyomano kobe’ste mkono li daira d’Amerika dkobo ağono mqabıl da hawbe, dmadcıro an athrare dgniwi l’Turkiya naqla hreto-bu zabno dıkmişawşıto i yortutho marduthoyto du athro bu darbo da şutose Amerikoye. İ wazirutho di baroyutho d’Amerika mırla’ste; U qyomano kımadıl calu iqoro dkıtlan li mardutho mşakalto dkito b’Turkiya ma came tawdithoye u etnikoye dıkhoye eba.

İ wazirutho m’akadla, d’Amerika kull naqla abico dımsaytro u dımhafdo i yortutho marduthoyto b’britho u dımhadıdo i tagorutho lo qonunoyto dıkmisomo cala athare-bnişo dmitaqwe u momuno da marhıbone uda şabakat dıksaymi hawbe. Amerika kıtla cayni şıkıl d’qyome cam athrawotho frişe xıd mathlo Cıraq, Suriya, Yemen uğer.