An athrawotho d’COP28 matın awyutho bi sbutho da Stofile tmire

Bıthır şoce yarixe d’droşe b’Dubai, mıştawtıfone du lumodano dcalu muzoğo dbritho COP28 matın l’awyutho calu şıkıl di maqırhonutho dkito li sniqutho du şuhlofo ma Stofile tmire-awkith ma tawqıdotho du fossil dkito tahte di arco. A 200 taşdaryotho du lumodano bıthır mi awyutho dhawyo, fris maqırhonutho calu qyomano dmafıt mu quwolo u dmaqbıl ma hadire.

Bu qyomano, kmisım qroyto lan athrawotho kulle dımaklın u isticmal du energi dkıtyo ma Stofile tmire-awkith mu fossil. A Stofile tmire-gelone u hawyotho dfayşi tmire tahte di arco ba milyone d’ışne u dhawın nafto u ğaz’yo. Cal dbritho kmıstacmılo ğalabe u naftano d’tahte di arco, kull dkothe’ste kınoqıs ucdo.

U naftano’ste kıxolıq ğaz samono bi hawa dbritho-dkull dkothe kışuhno u kıhorıw u kyonayda. U nişo du qyomano, dmitaqımi a ğazat samone kulle me britho holi şato da 2050’yo. Elo bu qyomano’ste, lıkmitawdıc bşıkıl qriho aydarbo klozım dmitanqısi a ğazat msamone.