Antony Blinken mkararle u şudoyo dhule Biden dmawde bu qtolğenso dan Armınoye

U mraşho dli wazirutho di baroyutho d’Amerika Antony Blinken mkararle u şudoyo dhuwole Joe Biden bi sbutho du droşo leşan i mawdyonutho bu qtolğenso dan Armınoye.

 Bu mamlo dsımle Blinken mawdacle, di şultonutho hathto gıdorşo i sbuthathe du qtolğenso cami kongre u gıdmitawdıco i netije 24 bu yarho d’Nison dıbqamuthayna.

Bu zabno da buqore dıkmisomi cama mraşhe dli şultonutho hathto d’Amerika, mşayıl şwolo lu mraşho dli wazirutho di baroyutho Antony Blinken bi sbutho du qtolğenso dan Armınoye. Bu funoyayde Blinken mırle; Xıd mraşho li rişonutho d’Amerika, Joe Biden sımwole mamlo bu duxrronano u mawdacle dıksonıd i rmoyto di mawdyonutho bu qtolğenso dan Armınoye.

Blinken mırleste; İ şultonutho hathto gıdmaydo fusqono cali methlo dgımitıstacmıl u Qusro Heworo bu yawmo şatonoyo du qtolğensano dkıtyo 24 bu yarho d’Nison, bıthır mu droşo dgıdowela cami kongre. U Mawtbo tahtoyo wu Senato mawdewolın ebe ba 2019. Bu mamlano d’Blinken, lo mbahıs calu Safyo dsim calu camaydan.

Calu funoyano d’Blinken, u tukoso dan Armınoye b’Amerika mhanelın cala melani dide u mawdacle, d’Amerika klozım dımhalxo bi qamayto dan athrawotho hrene leşan dmitaklın a hawbani wu qrobo d’Azerbaijan u Turkiya bu qlimo d’Nagorno Qarabax. Antony Blinken mşawrono d’Bidenwe meqım u flıhle’ste bu Senato ucama şultonwotho d’Klinton u Obama.