Arbca’ilo (Arbil) thımla Boğdod bu şughlofo demğrafoyo

ARBCA\ILO (ARBIL) — I wazirutho di gawoyutho bi şultonutho du qlimo d’Kurdistan du Ciraq, bu buyono dıfrısla thımla i wazirutho di galwoyutho du Ciraq wi sictho celoyto di mcadronutho dkımnasın dsaymi şuhlofo demoğrafoyo lo nomusoyo ba fenyotho da qalilwotho Mşihoye u Yezidoye, u hathe ste bu darbo du çboro da galwoye dfayşi b’dukotho dkıtne larwal da fenyothaththe a’makthabzabnoye. 

I wazirutho di gawoyutho d’Arbil bu buyonayda mırla ste “ba n’alfawo d’barmothoye mu camo Mşihoyo u Yezidoyo çbiri dımgalwın ma botaththe bıthır mdıkbışle u tukoso dı Dacış a’fenyothaththe, w’ucdo kito zıd m’600 alfo galwoye kcayşi b’18 naşıryotho b’gawıd du qlimo d’Kurdistan bu snodo di şultonutho d’Arbil uda tukose emwothoye. A’galwoyani ste knıtri dmibayın şartat towe di mşaynutho b’şıkıl dıkşowe dıdıcri bu sebyonaththe la botaththe”. 

U buyono grışle ste u zuhoro cali wazirutho di galwoyutho du Ciraq ucali sictho celoyto di mcadronutho, dıqtırlın knuşye bnişo dmıtrın a’galwoye ba fenyotho dmaftelın fothaye elaye udkıtne larwal da fenyothaththe a’şerşoye. U medano dsim dlo droşo aw mşawronutho cama galwoye, i wazirutho di gawoyutho d’Arbil mawdacla dkıtyo mqabıl du nomuso esonoyo du Ciraq uda prensibe du qonuno emwothoyo noşoyo uda qyome d’Çenev dkım’akdi calu zedqo dkıtlın a’galwoye dıdıcri bu sebyonaththe ubu neshonaththe la fenyothaththe. 

Callathe, i wazirutho di gawoyutho du qlimo d’Kurdistan sımla qroyto li şultonutho du Ciraq dmakılyo a’fusqonani udlıfayti la haye, u sımla ste qroyto lu mathlono dilonoyo d’Emwotho Mhaydotho ula tukose emwothoye dsaymi hboso laşan dmitaqimi miholo a’fusqonani. I wazirutho di gawoyutho d’Arbil sımla ste qroyto dmisarhıb bu tefito du qyomo d’Şigur la haye, dmibayın qaymaqam hatho li qastra d’Şigur, udmişare bu maşıqlo du bnoyo udu terkiwo di şalyutho ba fenyotho dıhzelın husrono.