İ Şultonutho Turkoyto kımdawmo ba msoke da noqufe du gabo di HDP
Ahjome wa msoke da mşale u hadome du gabo di HDP kımdawmi b’Turkiya.
Ba yawmothani a haylawothi di mşaynutho d’Turkiya msıklın i mşalonitho du ferco d’Mersin u bebzabno msıklın u hadomo di sictho mdabronitho d’HDP Barış Karabıyık.
Bu zabno haroyo i şıltonutho d’Turkiya mqaşela uhboso dkıtla calu gabo di HDP dkıtyo u gabo ihidoyo dıkmaşe siyase di saqıbloyutho bu athro.
Bıthır mıd msıkwolın 82 hadome u mşale du gabo ba yawmotho dı şaficina ftıhwo dacwa dmitaqimo i hasinutho d’7 qoyume du gaboste.
Ucdo msıklın i mşalonitho du gabo di HDP du ferco d’Mersin Gulbahar Şöfer wu hadomo di sicto mdabronitho u bebzabno dkıtyo qoyumo bu parlamento du athro Barış Karabıyık.
Karabıyık mşadır ele dkıtle zabno bi nuqazto da Pwelıs di mditho d’Adana inaqa dazewo lu zabnano dkıtwole mahıt ido acle u msik.