Arbco farsufe, hçımlın cal dukano du dahwo du camaydan dkıtyo bi şuqo di mdito d’Giessen d’Almanya

GIESSEN, Almanya – Lfuth i mawdconutho dmatilan me Giessen, yawme d’Şabtho dşafıcina, athto mu camaydan dkıtyo morto d’dukano du hahwo bi şuqo d’Giessen, azza xıd kull yawmo bi şoctho da 09.00 lu şuğlo leşan dfutho i dukano. Bu zabno du ftoho kıcobır 4 farsufe cal rişa u kıtufkila u kımakiwila yaquro.

2 farsufe dheş i hiyoyuthathe latyo idıcto kıhozın u mede dkowe bi dukano u kımalizi dımcadri i athto dmaklın u hçomo. Bi netiçe an 4 thimoye kımahzımi mi duktho wa 2 farsufe hrene rahiti bıthraye elo ha menaye’ste kımahwe dımçarıh ma hayobe. İ athto du camaydan d’twir dukotho d’hasa uda allcothayda, kmisomo ucdo camaliyat bi bethkrihe.

U polis Almanoyo dmabdele buhone, qadır bi harayto dmosık 2 ma thimoye-dkıtyo ha me Polonia wu hreno me Çekiya’yo wu heş kıkorıx cala 2 hrene. Bebzabno, u polis kobıc dhowele mamlo cama 2 farsufe dqadiri maklelın u tenhibo di dukano leşan dımşayelın şwole u tlıble snodo mu camo.

U tbocofroso du qlimo’ste, frısle tebo calu hçomano dsim b’Giessen.