Armenya hadırtoyo lu qrobo mqabıl d’Azerbaycan

U athro d’Armenya mawdacle dkıtyo hadiro lı Qrobo mqabıl d’Azerbaycan, u gayso hiw ele amro dhowe mekul mede hadiro bu zabnano.

İ maqırhonutho du athro d’Armenya athyo bu zabno du athro d’Turkiya u Azerbaycan kıtlın duroşe folhoye tadbikat cam hdode.

Bi mawdconutho dıfriso mu ajans d’Sputnik d’Rusya u rabhaylawotho Onik Gasparyan hule amro lu gayso kule dhowın hadire lu qrobo.

Bi maqırhonutho dhula i malılto di wazirutho du Sutoro Şuşan Stepanya mırla a folheydan kmitafiti mu duyoqo, u gıdmisim nısyune du mhoyo, u misim duroşe folhoye cal taktike du qrobo.

A maqırhonwothani dathın bu zabnano d’Azerbaycan u Turkiya ksaymi tadbikat mşawtıfo gorış u zuhoro.

Atre athrawothani Armenya u Azerbaycan me zabno yarixo kıtlın qatro cam hdode u cabiri bı qrobe cam hdode bi sbutho di fnitho da turone d’Karabağ.