Aykanoyutho Aya Sofya
İ cito d’Ayasofya dkityo b’Stambil, bıthır mid u rişqutno d’Turkiya Reçep Tayyib Erdoğan mşahilfole l’masığdo, mşarele dkothe sturye dlıg mınfaqla moro, u hın ma şurone u tarce mşarelın dhırwi. Mawxa ste, bdelın a’qole da farsufo demoqaratoye dcolın, ukımakdi dıklozım Ayasofya dmitasılmo li mdabronutho di wazirutho di mardutho dı Turkiya, laşan dmınfaqla moro udlo hırwo.
STAMBIL – İ cito d’Aya Sofya dkıtyo bi luhitho d’UNESCO ba ışne dşaficina u rişqutno Erdoğan huwole fusqono dmişaılfo lı masığdo da maşılmone laşan dmahwe la noqufeyde dkıtne maşılmone sımle u mede dkıbci. Bıthır mu şuhlofano dhawyo masığdo u mınyono da socure zayıd kmitawmır elo hathe lı kuthyo li macne di cito d’Ayasofya gıdmidafıc acla xıd dkıtwa duktho di muza.
Mawxa ucdo ba surotho dıfrisi bu tboco froso kmahwe dha ma tarce catiqe dkito eba hzele darbo u mahru, u be bzabno kmahwe dkito mcalqe mısone bhın ma şurone mede dlıg malıq lhawxa duktho komır u notarozo di karxutho d’Stambıl Mahir Polat bi dafeyde du twiter.
Bıthır mıd Mahir Polat frısle u tebano ğalabe noşe kthulın u mahwelın hfuxyo mqabıl du medano dkowe b’Aya Sofya mathlo Berna Karadoğan kımmo: cal du cameydan latle mafhum dımhafıd cal yurtutho marxa ste u lo iqoro b’darğo celoyoyo.
Bu dumyano ğalabe noşe frıslın maqırhonwotho d’Hfuxye mqabıl du medano dıkmisim b’Aya Sofya dkıtyo yırtuthomaktabzabnoyo dimşihoyutho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
