TUR ABDIN: U camaydan di qritho d’Arkah mcayadle ha Nison Akitu
İ qritho d’Arkah b’Turcabdin mhagela bu yawmo d’Rişe di Şato Suryoyto Bebloyto Oromoyto Othuroyto Akitu. Me gabo hreno u hudro di claymutho othuroyto d’Örebro ste mhagele bu yawmano d’Akitu.
A comure di qritho d’Arkah ba şoce d’Safrayto latimiwo lıhdode bu wahdo dı qmi qritho u mşarelın dımhagın bu yawmo d’Akitu. Bu yawmano a comure rabe zcure neşe gabre latimwo calu gelo yaroqo dkıtwo bu wahdano.
Camgabe da droşe dhawınwo bayn da comure di qritho, I claymutho mşarewola dmahuyo raqde umthonoye du cameydan cam zmaryotho umthonoye. A comure di qritho d’Arkah mdawamwolın bu hago d’Akitu bu zmoro u raqde u droşe mşahılfe dkıtwo baynothaye.
Me gabo hrno bu athro du Swed u hudro di claymutho othuroyto di mdito Örebro ste mcayadwolın u yawmo d’Akitu ba mamle bu zmoro da nacime dhadiriwo ba lbuşe du yawmano.
Bu hagano Sabri Yıldız mqadamwole mamlo dmahkele cali macne du yawmo d’Akitu dkıtyo yawmo umthoyo du cameydan mu maktbzabno d’Bethnahrin.
Lu hagano mıştawtafwolın a hadome da şutose du Mawtbo Umthoyo d’Bethnahrin u ferco d’Örebro.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
