HNB mtayable turgomo la hadomayde bi mdito d’Örebro

U Huyodo da Neşe d’Bethnahrin u fırco du Swed, mtayable turgomo la hadomayde bi mdito d’Örebro.

Beyn da sebwotho d’drişi bu turgomano, kıtwo a şuşote dhawın ba gabe u şutose du Mawtbo Umthoyo d’Bethnahrin bu athro ubi golutho u kle cali ulsoyutho di methtakdonutho.

Athmıl yawme d’Şabtho, mtayable u Huyodo da Neşe d’Bethnahrin u fırco du Swed turgomo bi mdito d’Örebro. Bu turgomano dımtayıb la hadome d’HNB, hiw mawdconutho rwıhto calu maşıqlo, cala fulhone u cala şuşote dsımlın a şutose frişe d’MUB dkıtne bu athro ubi golutho.

Bu turgomano’ste, kle cala gade dkıtle u camaydan bi Gozarto d’Bethnahrin dhowele duktho mbaynonitho bu dactith d’Suriya, bebzabno mahke calu ağono dkobın a hayle folhoye du camyadan bu garbyo ubu madınho d’Suriya u dıknufqi moro li mşaynutho du camaydan udu qlimo.

Sbutho hreto ulsoyto d’drişo bu turgomano, mahkele HNB cali ulsoyutho di methtaksonutho di athto, a fulhone dsımle u huyodo bu haqlano u kle dilonoyith cali ulsoyutho di mtaksutho di athto u dawro dkıtla bu ağono umthoyo. Bu huthomo’ste hiw mkono la hadire dobın a hzayothathe u dımşayli a şwolathe.